حسبي اللة و نعم الوكيل

كنا في البدايات كبراعم وسط غابات البشر تشرئب اعناقنا توقا لنور الهداية

نحاول ان نؤصل جذور فهم سبب الوجود في اعماقنا حتي نصمد في مواجهة رياح التغيير التي لم تبق علي اخضر او يابس

.انغمسنا في شهد العلم الذى ينفع بالقدر الذى يناسب تطور نمونا العقلي و الايماني.... اى الفطرى بمعني اشمل

كنا نتبارى ـ ومن رحم ربي ـ في احصاء الحسنات التي اتقنا .. بل و احترفنا اكتسابها بتحرى صدق و حسن القول و الفعل , و نحسب ان اللة تقبلها منا خالصة لجلال وجهه الكريم

كبرنا و امسي ما تمرسناة في الصغر من اقوال و افعال..نمطا واسلوب حياة

تنازعتنا هموم الامة

ومفردات الحياة

وصقلتنا التجارب حتي صفونا بمفهوم القصد و النية و خلاصها لمن يطوى السماوات والارض بيمينة , ليصبح ديدنا و ناموسا و غاية

ومن اللة علينا بالمتعة و القدرة علي تحويل قفر الهموم الي جنة نجني منها الثواب ان شاء اللة

. سبحانك يا رب

يوم اتممت عامي السادس و الاربعون ـ مهجرا ـ بعيدا عن الارض و الاهل و الوطن توفي والدى رحمة اللة علية

كان ذلك منذ قرابة عشرة اشهر

و كأني بة اليوم

قرات خواطر لاخت فاضلة ..لا نذكيها علي اللة... عن مصابها في جدها وجدتها

. لفح وجهي الحزن و دمعت عيناى ـ تذكرت مصابي و احتسبت

اعتصر قلبي ما قالتة لي امي ـ امد اللة في عمرها لتنال فضلالعبادة ـ يوم حادثتها عقب ان علمت بالوفاة

كدة يا ايمن ... كدة برضة تسيبني لوحدى ...... بس باللةعليك ماتيجي

تذكرت اني حرمت صحبتهما قرابة اربعة اعوام مذ ان هاجرت

حرمت ان اكون بجوارة و هو يجني اخر رزق لة في هذة الدنيا ربما بتسبيحة او بشهادة او حتي بدمعة ترفعة درجة

اوتحط عنة خطيئة

تذكرت اني حرمت ان الثم بدموعي يدا كريمة طيبة طالما زاحت عني و عن غيرى هموما كالجبال

. و ان اقبل جبينا طالما تاق ان يسكن في شرف العبادة للة جل وعلا

حرمت ان احمل مع من احب الامانة .. استودعها الثرى مبتهلا الي اللة عز وجل ان يجعلها روضة من رياض جناتة

. حتي التراب الذى نثرناة دو ما علي قبور من نودع عملا بسنة الحبيب حرمت من نثرة

. حسبي اللة و نعم الوكيل

يا رب تقبل صبرى والمي

الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَِ

دود الصحافة

وانا باجاهد نفسي واقراعلي الانترنت لصحفي من اياهم , مبتغيا تحرى احوال البلد ولو مغلوطة

جة في دماغي كام بيت زجل قالهم استاذ من اساتذة الزجل الاجتماعي و السياسي ...في علم منكس من اعلام الصحافة المنكسة في مصر و ما اكثرها

قال

يكون في عون الصحافة اللة يكون في العون

لماك يا دودالقرافة .. يا رمة يا ملعون

تنهش بطون الفرايج في الضلمة يا وطواط

والكلمة عندك بضاعة اماالشرف مطاط

بريئة منك بلدنا مسلمين و اقباط

ولا انت موسي ولاانت من كلاب فرعون

افتكرت الابيات دى بعد ما مليت عيني بقاذورات القلم اياة اللي قريت لة علي الصبح ، وحمدت ربنا علي نعمة ..نحسب ان من اللة بها علينا...وهي

ان نرى الحق حقا و نرزق اتباعة

ونرى الباطل باطلا و نرزق ايضا اجتنابة

احرى لمن من اللة علية بهذة النعمة ان يبدأ باصلاح ما يراة باطلا في الاخرين.. في نفسة اولا ...قبل ان يصبح

و العياذ باللة علما اخر منكسا

.و احتواني قو ل الحق جل جلالة

يَا أَيُّهَا الَّذِينَ آمَنُواْ عَلَيْكُمْ أَنفُسَكُمْ لاَ يَضُرُّكُم مَّن ضَلَّ إِذَا اهْتَدَيْتُمْ إِلَى اللّهِ مَرْجِعُكُمْ جَمِيعًا فَيُنَبِّئُكُم بِمَا كُنتُمْ تَعْمَلُونَِ

قسم التراخيص

زى كل يوم تبقي حاسس ان فية صراع حضارات صغيرحيحصل علي الكاونتر

اسمر ـ تقاطيعك شرقية ـ مفيش بينك وبين طالب الرخصة ارضية مشتركة من اى نوع تساعد علي لقاء الحضارات

يبتدى السؤال دايما... هو انت منين ؟

ساعات اكون في حالة سلام داخلي ارد اقول من مصر ... و ساعات اكون باغلي لسبب او لاخر يكون ردى مسلم.. من الشرق لاوسط ...هة

النهاردة السؤال ابتدى كالعادة بس قلب بغم

انت منين ...قال الاستاذ بادب جم و كان لابس لبس الجيش

مشغول انا بالقلم الاحمر ... بافسحة علي الرسومات..قلت لة..خمن

قال من الشرق الاوسط.؟؟..

قلت و قلمي منهمك بزيارة اركان الرسومات بتؤدة ... منين بقي فى الشرق الاوسط

.. !!!قال وبثقة زايدة ..اسرائيل

كانة سفخني قلم

هو انت قاعد مع رابين صديقي يا ابن ال..

قاومت بصعوبة ان احافظ علي وتيرة فسحة القلم ..او ان يبان علي وشي امتعاض او قرف

!!...قلت برافو ...عرفت ازاي

قال بثقة اكبر ...من اللكنة

انت ماعندكش لكنة العرب ..انا علي طول في ا لمنطقة دى ..فرق كبير قوى بين اسرائيل وبين الخليج و العراق

ازاى يعني .. وقلمي بيشلط في الرسومات

العرب دول محتاجين يتعلموا منا او من الاسرائيليين يعني اية تحضر ...يعني اية ديموقراطية

قلت واحنا ـ اقصد الامريكان ـ اللي حنعلمهم الديموقراطية

سفخني القلم التاني

.!!! قال.. ولية احنا سايبينهم يعلموا الناس عن الاسلام

بيتكلم علي مين دة... احنا .. دة احنا عايزين اللي يعلمنا

ماقدرتش ما ارفعش عيني المرة دى

ركنت القلم

قلت ماظنش انك سمعتني كويس ... انا ما قلتش حنعلمهم المسيحية علشان ترد انت وتقول بيعلمونا اسلام

و لا ياترى اليموقراطية الغربية و المسيحية و جهان لعملة واحدة

شيلت القلم الاحمر ... ورزعت ختم مرفوض ... و قلت لة بابتسامة ماسخة يوم سعيد

وتملكني قول الحق سبحانة و تعالي

وَلَنْ تَرْضَى عَنْكَ الْيَهُودُ وَلَا النَّصَارَى حَتَّى تَتَّبِعَ مِلَّتَهُمْ قُلْ إِنَّ هُدَى اللَّهِ هُوَ الْهُدَى وَلَئِنِ اتَّبَعْتَ أَهْوَاءَهُمْ بَعْدَ الَّذِي جَاءَكَ مِنَ الْعِلْمِ مَا لَكَ مِنَ اللَّهِ مِنْ وَلِيٍّ وَلَا نَصِيرٍ

فيروز

نايم متاخرعلى غير العادة - مانا زى الفراخ - و قايم بدري رايح شغلي

سايق زي ماكون علي حمار متبرمج حافظ طريقة لباب الزريبة

باسمع فيروز من جهاز صغير قد الكف يشيل مية والف ، و جت الاغاني بترتيب غير مقصود ، علي قد منظورنا الضيق ... لكن الترتيب بادق تفاصيلة في اللوح قبل الخلق

...سمعت

...ريما لتنام

طيري يا طيارة و سطح الجيران

شط اسكندرية .... رجعت الشتوية

انا لحبيبي .... يا سهرالليالي

يا قدس يا مدينة الصلاة

نسم علينا الهوى ... و ردني الي بلادى

يااللة

يا ترى عمري اتسرق مني .. ولا انا اللي ضيعتة

و تملكني قول الحق سبحانة و تعالي

يَا أَيُّهَا الْإِنسَانُ إِنَّكَ كَادِحٌ إِلَى رَبِّكَ كَدْحًا فَمُلَاقِيهِِ

وشوشهم مراية قلوبهم

جت قعدتي مع قهوتي قدام نافورة جوة مول في يوم تلج شمسة ساقعة
الكل هربان جوة المول في الدفا...زحمة و دوشة ...عيال كتير و اهاليهم بيرموا في النافورة قروش ـ سنتات ـ ا عتقادا بإن دة بيحقق الاماني


الفرجة عالعيال ممتعة ـ لما تبص عليهم ـ تلاقي التعبيرات اللي علي وشوشهم واضحة مقرؤة زى الهدوم اللي لابسينهم الوانها صريحةـ صاحية
فرحة.. ضحكة عريضة.. امل.. عينيهم بتلمع

وشوشهم مراية قلوبهم
اماني التفكير فيها يرسم علي وشك انت بسمة ترجعك 40 سنة ورا

شوكولاتاية كبــــيرة ماتخلصش
لعبة ما تتكسرش.. و لا كبيرة مشوار لديزني يطول حبتين

الكبار... الفرجة عليهم تغم
تلاقية يرمي القرش بسرعة كانة بيسرق امنية
ولا بيرمي القرش و هو ماشي ..مكسوف من اللي بيتمناة خايف حد يشوفة
ولا سرحان بيفكر ـ و يرمية -زى مايكون مسلوب الارادة - ويكمل سرحانة عشمان يفوق علي واقع جديد
عمرك ما تقدر تقرى اللي جوة دماغاتهم.. ولا شايف من اقنعة وشوشهم نوعية امانيهم

الاعتقاد برمي العملة في النافورة و جلب دة للحظ عند كبيرهم وصغيرهم واحد
المية واحدة
النافورة واحدة
الفلوس واحدة
لكن مفهوم اللي بيرمي - للفلوس- مختلف
فاختلفت الاماني شكلا و موضوعا


وضاعت الاصوات فجاة
وتملكني قول الحق
و خشعت الاصوات للرحمن فلا تسمع الا همسا

اة يا شعب

اة يا شعب بيفرقة نبوت وتلمة زمارة

علي طوف في بحر عالي فاتنا ربانة ... كسرنا بعدة الدفة و ضهورنا لفنارة

حياتة ضايعة في كورة و غرزة و دعارة

دعارة فكر واهتمامات و رؤسا ووزرا وادارة

مهموم باكل العيش ـ مكبوت ـ و مطحون

نمل في شوارع زحمة ـ و تراب معفر دقون

لجل لقمة حاف تملا جوف العيال بيهون

زىنهر النيل بنجرى في الحيا ة متلطمين

متفرقة النية ـ رشيد و د مياط ـ متوزعين

نية صالحة و نية فاسدة في بحر الحساب بنصب

بحر لا بينضب و لا بيشبع يبلع ملتراب بلايين